Röfl sjálfhverfrar húsmóður í úthverfi

2006-02-27T22:35:00.000Z

æ-þúst, kona heldur bara að hún sé að verða fullorðin eða eikkva. eða kannski bara komin með nóg af þessari sjálfs-fróun. enga fróun þar að fá lengur. þarf bara að fara í harðara stuff. skrifa fyrir einhvern annan en bloggerinn. eða hún hefur ekkert að segja.

og þó, þessi kona hefur svo mikið að segja, andinn situr um hana, allan daginn alla daga alltaf hreint. hún bara hefur ekki tíma til skrifa eða spá eða neitt. en þessi andi hefur hamlað andlegum þroska margt lengi. þarf að losna við hann svo hún geti orðið í alvöru fullorðin.

til hamingju ísland

2006-02-20T21:35:00.000Z

þúst, það er ógisslega töff að vera pólitískt rétthugsandi og taka þátt í gagnrýni á viðtekin gildi, skiluru. það er það sem ágústa eva er að gera í gegnum trúðinn silvíu nótt. hún er ógisslega fyndin en jafnframt svo átakanlega sorgleg eins og trúðar eru. og fíflin. fíflin voru til þess að halda valdhöfum á tánum, þeir komust upp með að gera grín að þeim. og silvía er fífl og trúður, sem er svo átakanlegur og sorglegur, jafnvel sorgmæddur og hún er fyndin.

nýjasta útspil silvíu var líka magnað. kona sem reynir að samræma gáfur og hæfileika annars vegar og hlutverk og útlit klámdrottningar hins vegar er með á höndum óleysanlegt verkefni. því annað krefst sjálfstæðis en hitt algjörrar undirgefni. og eftir kastljósið í gær varð ljóst að silvía nótt er beitt ofbeldi af kærastanum sínum. þannig að þó að hún leiki hlutverk þeirrar sem er hugrökk og töff þá einbeitir hún sér of mikið af hinu materíalíska og því að þóknast augnarráði karlmannsins. og það leiðir af sér niðurbrot og jafnvel kynbundið ofbeldi. núna sé ég svo kristalstæt hver tilgangurinn með trúðsleiknum var. hann var alltaf ádeila, en núna finnst mér eins og ég sjái af hverju.

það sem hins vegar veldur angri hugans núna er að það er nokkuð ljóst að 70.000 íslendingum finnst ekki töff að vera pólítískt rétthugsandi og deila á.
hvað halda þeir að silvía nótt sé? skilja þeir ádeiluna sem fellst í þeim óásættnalegu karakter einkennum sem trúðurinn reynir að færa fram? skilja þeir ádeiluna á evrópskar söngvakeppnir, fegurðarsamkeppnir og klámvæðinguna? hvað voru þeir að hugsa?

en kannski vita þeir bara alveg um hvað málið snýst. og þá er sko ógisslega töff að vera á íslendingur, skiluru!

2006-02-15T21:28:00.000Z

konuna dreymir. hana langar of oft til að vera með sítt, sítt og afar ljóst hár. þá væri lífið ekki svo flókið, þá væri nóg að bera hárnæringu í síða,síða ljósa hárið. greiða það síðan þar til að það ljómaði nægileg til að lýsa upp herbergi. þá væri hugurinn bjartur og engvir flókar.
en síðan man konan, sem er með afar stutt, afar flókið og afar rautt hár að einu sinni var hárið sítt, sítt og ljóst. og lífið var svo sem jafn flókið.
og þegar það hvarflar að konunni þá veltir hún því fyrir sér hvort að hamingjan sé kannski ekki falin í hársídd eða hárlit?

nahhh-það samt eiginlega ótrúlegt. auðvitað fellst hamingjan í hársídd. auðvitað,auðvitað, vitlausa kona. þú átt ekki að hugsa, bara safna hári.

jæjajæja

2006-01-23T21:34:00.000Z

þegar nýja líf konunnar hófst á haustdögum þá bara einhvernvegin fór svo að bloggið sat á hakanum. en núna er hún að reyna að vekja bloggerinn innra með sér. og aldrei að vita nema hann ríði fram á ritvöllinn og láti til sín taka.

sjáum til, sjáum til

2005-09-05T23:37:00.000Z

isss-í öllum mínum geldu ritgerðarskrifum hef ég bara alveg gleymt að skemmta mér. mundi bara ekki hvað Baggalútur er ógisslega fyndin fyrr en rétt áðan.

2005-09-05T23:14:00.000Z

hey-ég gleymdi. ef hingað inn rambar ofurprófarkalesari þá vantar mig einn slíkan. (huhh-ef að hér er prófarkalesari þá hefur hann áttað sig á því)! sem sagt-þarf að láta lesa mastersritgerðina mína. er ekki tilbúin að greiða hönd og fót, né heldur frumburðinn. hins vegar er hægt að semja um annars konar greiðslu. vil helst fá einhvern vægðarlausan og grimman sem gerir lítið úr mér og mínum kostum. bara svona svo að fríki ekki út yfir því að vera búin með ritgerðarómyndina.

já-og talandi um greiðslu. fór í klippngu um daginn og bað um móhíkanakamb. er ekki alveg nógu ánægð með hann. held að kippikonan sé með einhverja forsjárhyggju og finnist að margra barna móðir á fertugsaldri eigi ekki að vera með kamb. en á mínu heimili er til skeggsnyrtir. aldrei að vita nema þessi kona mundi hann bara-og geri svo gat í nefið á sér um leið. pönkarinn í hjarta mínu vill út!

2005-09-05T22:59:00.000Z

jæjajæja. núna sér fyrir endann. allt er gott sem endar. og þá bíður konu sennilega teningur (e.cubicle) einhverstaðar með lélegri tölvu, verra kaffi og nánast engum launum. er ekki lífið dásamlegt? en jámm-best að láta þetta enda fyrst. og fara svo til frakklands, drekka mikið rautt og hvítt, borða snigla, heiðlóur og önnur smádýr. og leita svo að tening. májmm. alltso. þannig verður það.

2005-07-12T23:31:00.000Z

æji-stundum blæðir litla hjartasárið meira en vænta má. þá er bara allt í blóði. sætu blóði. hreinu blóði. beint úr litla hjartanu mínu. sem er svo ósköp lítið og stundum svo ósköp hrætt. og hrært. æjiæji. langar ekki að vera með þetta litla hjarta. í þessu skinni. blóðið bara rennur. allt í blóði. sætu blóði. hreinu blóðu. og ég kann ekkert að stöðva þennan dettifoss. og ekki að virkja hann heldur.

pisserí

2005-07-04T22:01:00.000Z

mig dreymdi svo skrítinn draum. og ógeðslega pirrandi. ég var að hitta mjög intresant fólk og mikið af því. bæði fólk sem ég þekki og eins fólk sem ég dáist að úr fjarska. allt saman einstaklingar sem mig langar að eyða tíma með. en ég þurfti alltaf að vera pissa. um leið og ég var búin að pissa og ætlaði að fara að spjalla við eitthvað af öllu þessu skemmtilega fólki þurfti ég aftur að pissa. svo mikið að það gat bara alls ekki beðið. og ekkert smá oft. var bara að pissa stöðugt eða leita að klósetti og vona að skemmtilega fólkið væri ekki farið þegar ég væri búin að pissa. og þannig hélt það áfram. um leið og ég var búin að pissa þurfti ég að fara að leita að klósetti til að pissa aftur.

síðan vaknaði ég-alveg í spreng.

2005-06-21T20:46:00.000Z

einhvern veginn er allt eitthvað svo liðið. eða þannig. annars var 19. júní ljómandi. en eftir á að hyggja fannst mér það svolítil kaldhæðni að í stað þess að skunda á þingvöll með kyndilbera framtíðar eins og til stóð var deginum eytt með öldruðum ættingja eiginmannsins. ljúft, vissulega. en svolítið í anda feðraveldisins.

en ég treysti þó mín heit- þó að það hafi ekki verið á völlum þeim er kenndir eru við þing. og er það ekki fyrir öllu?

2005-06-09T17:47:00.000Z

svört blúnda er blæti sikileysku konunnar. og þessi hneigð fer víst víða á ítalíu. og kannski bara ennþá víðar. því hvað er fallegra en hold rammað inn í svarta blúndu?

2005-06-09T14:26:00.000Z

and here´s to you mrs. robinson löngu tímabært að ég pósti þetta. best að sjá hvort að ég eigi ekki þetta eðallag með þeim félögum símoni og garfunkel. og síðan kannski bara skoða myndina aftur sem fyrst. anne bancroft var eðalpía. og flott leikona. alveg eðal.

2005-06-09T14:10:00.000Z

blehhh-af hverju svona illa að gera það sem konu ber. the task at hand er bara agalegt. en hún er nú samt búin að þrífa bakarofnin og baðherbergið. skúra einhver gólf. en ekki skrifa neitt. ojojoj. hlusta á marley og krók lækni. megas og maríönnu trúföstu. en ekki skrifa neitt. neisko-og þarna fýkur umslag fram hjá eldhúsglugganum. hvað ætli fái þetta umslag til að fjúka svona hátt? og hvernig bréf var í því? ástarbréf? eða ríkisféhirðir? átti það lítil stelpa eða gamall kall? hvað ætli þau hafi borðað í morgunmat? býr hann kannski einn kallinn sem átti að fá þetta? eða kyssti hann konuna sína bless í morgun? ætli hann hafi flísalagt mörg baðherbergi um dagana?

grrrr-hættu að hugsa kona og farðu að vinna. svei þér athyglislausa kona.

barneignamjaðmirnar

2005-06-06T13:12:00.000Z

eiga kannski bara eftir að skila öðrum ávexti en þeim augljósa. að minnsta kosti miðað við þetta

HAHH!!!

2005-06-03T22:10:00.000Z

kom að því að mogginn lygi! það sér nefnilega ekki enn fyrir endann á andleysinu-og einbeiting er eitthvað sem ég held að ég hafi aldrei búið yfir. þetta með fjármálin er samt kannski eitthvað sem ætti að skoða...

Mbl.is - Fólkið: "SPORÐDREKI 23. október - 21. nóvember
Notaðu daginn til þess að fara yfir reikninga, skuldir, skatta og allt sem viðkemur sameiginlegum fjárhag og eignum. Einbeiting þín er frábær þessa dagana."

2005-05-31T22:56:00.000Z

jájá, er að ganga af göflunum. jájá, göflunum segi ég. á mínum smáu fótum geng ég bara og að lokum af göflunum. og það er ekki eins og mig langi eitthvað að ganga af göflunum. neinei. langar aldrei,aldrei að ganga. geng ekki nema í neyð. veit fátt bjánalegra en að ganga. og hvað þá af göflunum. en þannig er það svo oft. og þá er ekkert eftir annað en að ganga af göflunum.

2005-05-25T19:47:00.000Z

held að andi minn sé í sögulegu lágmarki núna. og þá á ég ekki við andlegu hliðina heldur einfadlega andann. hann er víðs fjarri. mér dettur ekkert i hug. hvorki til gagns né gamans. og það er hreint ekki gæfulegt þegar verið er að skrifa mastersritgerð. hreint ekki,hreint ekki. hef meira að segja staðið sjálfa mig að því að skoða hjólhýsagarðinn barnaland.is í dag. verður það verra? við skulum vona ekki. ætla að skrifa þetta andleysi að berrassa niðurlæginguna í gær. jájá-er það ekki?

andskotinn-ég er að fokking deyja hérna. sjittsjittsjitt. hvað á kona að gera þegar svona stendur á?! öll ráð vel þegin. sem og hvítvín.

2005-05-25T14:53:00.000Z

OMG-ég er búin að uppgvöta áttundu dauðasyndina! ben og jerry´s ís með jarðaberja-ostaköku-bragði.

nú mun ég fyrir víst brenna í víti.

2005-05-25T13:35:00.000Z

stundum er staða himintunglanna þannig að ekki er annað hægt en að þrá að komast upp til skýja. tungin öll kalla. og það er kallað á móti: tunglið,tunglið taktu mig. og þá kviknar nýtt líf. lífið skýjum ofar. í sjöunda himni. á níunda skýi. fjúka þar um stund og njóta. kannski bara einn í veröldinni. kannski með ástina sína sér við hlið. kannski,kannski. jájá-taktu mig bara. gerðu mig nýja. gerðu mig hlýja. skýum ofar.

dramb er falli næst

2005-05-24T19:04:00.000Z

skvísukonan brá sér af bæ í dag. það væri svo sem ekki í frásögur færandi. þegar leið á daginn fór kofahiti að segja til sín hérna á fjórðu hæðinni. og konan sat við eldhúsgluggann sinn og horfði á sólina. það getur sennilega enginn láð henni að geta ekki einbeitt sér enn einn daginn við slíkar aðstæður.

þannig að konan brá á það ráð að klæða sig í svona temmilega skvísuleg föt, setja á sig gloss og gel í hárið. fór í nýjar buxur og allt. og gallajakkann sem er síðan að konan var mjó og er aðeins þröngur en mikið skvísulegur.

stefnan var tekin á miðbæinn. en það var svo kalt að konan endaði í kringlunni. allt lagi með það. þar eru skóbúðir. alltaf gaman að skoða flotta skó. þar er líka góð bókabúð. og hvað þarf kona meira en það? góða skóbúð og góða bókabúð? henni er spurn?

þar er líka fullt af fólki og bara ágæt að ráfa aðeins um og skoða fallegu bækurnar og láta sig dreyma um fallega skó.

þegar því var lokið fór konan í ríkið að kaupa bjór-alltaf nauðsynlegt að eiga smá bjór. þaðan lá leiðin í bónus.

þessi kona var bara nokkuð ánægð með sig. fannst hún vera pæja-sem gerist ekkert oft-venjulega finnst þessari konu hún heita Ljótunn Feitdís. en ekki í dag. og svei mér þá ef að samborgararnir brostu ekki elskulega og horfðu aðeins meira á konuna en venjulega. sem bara ýttu undir pæjustælana. jáhá-þessi kona var í ljósum logum og vakti athygli fyrir huggulegheit og sjarma. frábært mojó alveg.

þegar öllu þessu bæjar rölti og erindum reknum lá leiðinn í leikskólann að sækja dæturnar. ennþá var konan reglega ánægð með sig. alveg að meika það sem pæja.

hins vega breyttu eftirfarandi samræður einvherju:

lítill drengur: af hverju ertu með gat á rassinum?
pæjukonan: ha?
lítill drengur: af hverju ertu með gat á rassinum?
(pæjukonan hugsar málið: er hann að spá í rassgat? eða hvað? ég bara skil ekki barnið???)
pæjukonan: hvað ertu að tala um? ég skil þig ekki?
litli drengurinn: þú ert með risagat á rassinum-af hverju?
pæjukonan: er það? (þarna er pæjið aðeins að minnka!)
litli drengurinn: já-alveg risastórt!!
niðurlægðakonan rennir hægri höndinni aftur fyrir sig og uppkvötar sér til mikillar skelfingar að hún er berrössuð!!!

OMG-OMG-OMG!! hvað er ég búin að vera lengi berrössuð-hugsar niðurlægðakonan!! og sennilega mun hún aldrei komast að því.

gatið náðu frá vaginu upp að mitti að aftan-og það var ekki einu sinni um að ræða saumsprettu-bara GAT!

(og bara til að hafa að á hreinu þá veit ég vel að ég á það til að ýkja-en í þessu tilfelli er ekki um neinar ýkjur að ræða. rassinn á mér var BER!! veit ekki hvort ég muni nokkurn tíma jafna mig á þessari niðurlæginu. en svona stígvél(í hvítu) munu sennilega koma mér til einhvers konar bata. legg ekki meira á þig.)

2005-05-23T12:29:00.000Z

einmitt

svo fallegt-eftir meistara megas

2005-05-23T11:37:00.000Z

Það var eitt sinn út í garði
að unnustan mín og ég.
Við sátum í sól og blíðu
og það var sumar við Framnesveg

Og hún var svo ung og yndisleg
ástin mín kær.
Ég elskaði hana svo ofboðslega
að ég var gráti nær.

Ég sagði: "Ég þarf að sækja
mér sólaráburðinn minn."
Og á leiðinni upp á loftið
var' mér litið í spegilinn.

Ég fann augu Kains hvíla á mér
köld og döpur og myrk.
Ég kallaði: "Ástin komdu
veitum hvort öðru frið og styrk."

Ég sagði við hana, "vinan mín,
viltu ekki kom með mér
eitthvað út að ganga
þar sem engin til okkar sér

Við skulum leita að leiðinni
sem liggur á heimsenda.
Því heimsins ásýnd hún er ill
og heimsins náttúra."

Við héldum af stað eftir Hringbraut
það var hlýtt og glampandi sól.
Og allir búnir sínu besta skarti
í borginni sem mig ól.

Liljuhvít var höndin hennar
sem hélt ég svo þétt um.
Og útúr borginni flýttum við för
og framhjá Árbænum.

Rétt fyrir utan Reykjavík
við Rauðhóla gerðum við töf,
og hún renndi þar sjónum sínum,
hún sá þar var nýtekin gröf.

Hún fleygði sér í fang mér
ég fann hún skalf eins og strá.
"Ég óttast" sagði hún "ástin mín,
ég óttast það sem ég sá."

Hún fleygði sér felmtri slegin
í fang mitt og sagði milt.
"Ég hræðist svo að þú hafir
í hyggju að gera mér illt."

"Þú átt kollgátuna" kvað ég við,
"nú er komin þín hinsta stund,
í gröfina tarna sem gróf ég í nótt
verður gott að fá sér blund."

"Skelfdu mig ekki ástin mín
ég er of ung til að deyja strax."
Og hún sagði: "ó ekki myrða mig."
á meðan ég leitaði lags.

Ég hélt henni fastri og hnífinn ég rak
í hjartað beinustu leið
og meðan blóðið rann ofan í Rauðhóla
stóð ég raunamæddur og beið.

Ég horfði á hjartað mitt deyja
og ég hugsaði svo með mér:
"Á ég ekki að gæta minnar eigin systur,
er ekki það sem mér ber?"

Þú ert heilladísin hamingjan mín
happið sem féll mér í skaut.
Og ég lagði hana í gröfina, gerði krossmark
og gekk svo hryggur á braut.

og kain horfir á ástina og eitthvað hræðilegt gerist. og fallusinn er líka hnífur og hann drepur. en samt svo fallegt svo ósköp fallegt.

jahérna

2005-05-19T11:48:00.000Z

þetta er soldið fyndið, soldið sorglegt og soldið krípi. sérstaklega I'm so tired og kiss,kiss,kiss. er bara í uppnámi hérna!

mmmm

2005-05-18T15:34:00.000Z

var að klára að lesa þessa bók. og mikið er hún eitthvað falleg og notaleg. um lífið og ástina og erfiðleikana og manneskjur og hvernig allt getur verið fallegt þó að það sé kannski soldið ljótt. en varla skvísubók. kannski skvísurnar séu að þroskast. en ég mæli með henni. og ætla mér að finna hinar bækurnar hennar lísu. af því mér finnst svo leiðinlegt að vera búin með þessa-sakna london fjölskyldunnar strax en kannski eru hinar persónur lísu líka persónur sem ekki er hægt annað en að elska og sakna. þannig bækur eru bestar-þar sem persónurnar með alla sína galla verða að einhverjum sem hægt er að þykja vænt um. persónusköpun er allt í góðum bókmenntum og hérna er góð persónusköpun. (og hey-ég er bókmenntafræðingur þannig að eitthvað hlýtur mitt álit að teljast :Þ)

mæli með fjölskylduvininum eftir lisu jewell

litlir kassar á lækjarbakka

2005-05-17T22:30:00.000Z

litlir kassar úr dingalingaling
litlir kassar og allir eins....

stundum fær konan það á tilfinninguna að það sé ekki í tísku að eiga sé sögu. það sé bara óendanlega lummó að vera mannlegur og eiga sér fleiri en eitt lag. Enginn vill vera eins og laukur sem hægt er að smám saman flysja hvert lagið á fætur öðru-öll lögin sem gera okkur einstök. er að bara konan eða er heimurinn hennar saman settur af fólki sem lætur segja sér hvað er smart og bara fer eftir því? hefur fólk kannski enga löngun til þess að vera eitthvað annað en það sem einhver segir því að vera? hún nefnilega var að sjá endann á einhverjum interior þætti. og stundum sér hún einhver interior blöð. og ekki misskilja, konan hefur heilmikinn áhuga á slíkum fræðum. en í öllum tilfellum (fyrir utan þau sem sanna kenninguna-og þau verða rædd sérstaklega síðar) eru híbýli fólks sem sýnd eru í slíku samhengi nákvæmlega eins. það er bara ekki hægt að bera kennsl á nokkurn skapaðan hlut sem hefur mótað manneskjuna. ekki hægt að gera sér neitt í hugarlund um hana (annað en að hún fylgist með því sem einhver segir að sé smart). hvergi er hægt að sjá gamlan púða sem amma saumaði út, eða örlítið klístrað listaverk eftir smábarn, eða skrítinn lampaskerm sem keyptur var á útimarkaði í parís þegar viðkomandi var þar í brúðkaupsferð. aldrei sér kona bækurnar sem hafa verið lesnar eða teppið sem hefur verið legið undir á meðan. aldrei sér kona minjagripina sem hljóta að koma inn í líf allra í gegnum tíðina. bara það sem rosalega smart og úr fínni búð eða ráðlagt af einhverjum sem vinnur við að ráðleggja það sem þeim sjálfum finnst fallegt. og allir virðast kokgleypa við því. og ekki misskilja. það er ekki bara í tengslum við svona sjónvarp og tímarit sem konan fær þetta á tilfinninguna. hún þekkir bara þó nokkra sem búa svoleiðis. og eru bara hæst ánægðir með að vera svona smart. less is not always more....en stundum á það við-en alls ekki alltaf.

en þá að hinum öfgunum. hverfum aðeins frá þessum ofurstíliseruðu smekkleysum og kíkjum á hina. það eru annað slagið nefnilega grafnir upp skemmtilegir furðufuglar sem er nákvæmlega sama. og allt það sem mótar þá er í einu hrærigraut um allt. og það er svo sem jafndapurt-og þó-ekki alveg-hitt er nefnilega verra. og síðan eru einhverjir sem setja nefið upp í loft og leyfa sér að halda fram að það sé algjör smekkleysa. er svona smekklaust að vera bara manneskja? að falla fyrir einhverju sem hrífur og langa að hafa það nálægt sér-fyrir einhverja ástæðu? af því að þannig er maður á lífi og man eftir einhverju fallegu. af því þannig er manneskja ekki eins og hinir-heldur bara einhver með sögu. einhver sem finnst fallegt og notalegt að vera með gamla púðann sem amma bróderaði í sófanum sínum (og sófinn er btw ekki smart en þægilegur-eða með áklæði sem minnir á eitthvað skemmtilegt eða er auðveldur að þrífa eða bara eitthvað annað ákaflega ósmart og óstíliserað). eða finnst fallegt að hafa kristalsljósakrónu innan um ikeaplastið af því að það sindrar fallega á það og þannig verður hjartað lítið og meyrt. eða velur sér málverk-ekki af því að það er í stíl við sófann eða af því það gerir svo mikið fyrir rýmið heldur af því það er kannski pínu fyndið eða vekur einhver hughrif sem er notalegt að finna stundum í amstri dagsins. og þannig er kannski hægt að sjá að viðkomandi hefur einhverja manneskju að geyma. og það er fallegt. miklu fallegra að vera kallaður ósmekklegur heldur en að láta segja sér hvað er smart og vera nógu vitlaus til að fara eftir því. og það er ekki óstíliserað að blanda því saman sem er fallegt í augun-kannski ekki öllu-en því sem gerir lífið að eigin lífi, húsið að heimili, biðina bærilegri og ástina innilegri. kannski er þessi kona bara svona vitlaus-en er samt fallegast-þó að engum öðrum finnist það.

ég man

2005-05-17T10:56:00.000Z

þegar litla stelpan vaknaði snemma kannski var bara sunnudagur kannski voru páskar kannski var hvítasunna og sólin skein svo fallega inn um stóra gluggann í litla húsinu og engin var vakandi nema litla stelpan og allt var svo hljótt ekkert hljóð nema suðið í ískápnum litlu stelpunni fannst svo gott að stíga í sólarblettinn á gólfinu hann var svo hlýr og notalegur á beru tærnar og svo fór hún með annan fótinn í sólarblettinn en hafði hinn í skugganum og svo var hún með báða fæturna í skugganum og svo báða í sólinni og þannig lék hún sér að því að finna hvernig sólin hitaði litlu tærnar í hljóða húsinu á meðan allir sváfu á fallegum vormorgni og á veggjunum dönsuðu litlir regnbogar en litla stelpan gat ekki snert þá þó hún reyndi og hún lék sér við að finna sólina á tánum og skoða regnbogana dansa á teikningunni af mömmunni þegar hún var ung kona í kaupmannahöfn en skildi ekki af hverju hún gat ekki komið við þá en þeir voru svo fallegir þar sem þeir dönsuðu eftir veggnum síðan vaknaði einhver og sat með litlu stelpunni á meðan hellt var uppá kaffi og ilmurinn fyllti litla húsið og áfram dönsuðu regnbogarnir þegar leið á morguninn fóru regnbogarnir inn í eldhús og dönsuðu fyrir ofan eldavélina og pabbinn sagði litlu stelpunni að sólin og ljósakrónan gerðu þessa fallegu regnboga bara fyrir hana á meðan hann drakk kaffið sitt í morgunkyrrðinni og litla stelpan vissi þá að þetta yrði góður dagur af því sólin og pabbinn og ljósakrónan og kaffiilmurinn létu henni líða svo vel þarna í þögninni í litla húsinu með stóra glugganum

mikið var...

2005-05-13T15:47:00.000Z

þetta er allavega ekki henni að kenna!!!

það kom að því að konan geti verið verulega stollt af sjálfri sér-og yfir meðalagi. jájá-búin að skila sínu.

ég vissi það....

2005-05-10T11:36:00.000Z

Mbl.is - Frétt - Segir ævintýri auka hættuna á að stúlkur lendi í ofbeldissamböndum

ekkert nema kjaftæði sem kemur út þessum bévítans kynjuðu ævintýrum. sjálf er ég talandi dæmi.

2005-05-09T20:41:00.000Z

frelsið er yndislegt...

og núna getur konan bloggað af klósettinu. aldrei að vita nema það muni vera prófað. þráðlaust net er bara brill!

2005-05-08T21:34:00.000Z

ænei-fíamía virðist vera hætt að blogga. og síðan hennar bara finnst ekki. *snökt* svonakona á eftir að sakna fíu fender úr bloggheimum. eins og hún sakanar hennar úr kjötheimum.

þarf að fara hitta fíuna í kjötheimum...en hvað oft hefur það ekki verið sagt. og ekkert gerist. frekar en venjulega. svonakona er allt annað en kona framkvæmda. hún er kona dagdrauma og nördaskaps.

bara djók sko

2005-05-06T17:30:00.000Z

stundum er konan bara skemmtilegri henni er hollt. án gríns. hún er svo mikill grínari og á bara erfitt með að sleppa kaldhæðninni að það er orðið vandræðalegt.

þannig er mál með vexti að konan var í atvinnuviðtali. allt í góðu með það. huggulegt og kurteist fólk útí bæ sem tók við hana þetta viðtal.

en lengi hefur konan að vera vellta fyrir sér hvaða kona hún eigi að vera í þessu viðtali. ætti hún að vera skarpa og svala bissness típan. eða skalausa og undirgefna ritaratýpan. eða sæta og duglega stelpan.

en konan komst að því að best væri að vera bara hún sjálf. sem hún svo gerði. kannski eru starfsmannastjórar hjá stórum fyrirtækjum ekki að fíla svona harðsoðnar kaldhæðnistýpur. en það er of sein núna. en hey-þau allavega hlógu sig máttlaus af snappý einslínu djókunum.

fyrst var konan spurð að hverjir hennar helstu kostir væru. konan sagði að það væri hversu ógeðslega fyndin ég væri. þá glottu þau út í annað. hún sagði að það væri almenn drykkja og lestur-engin fegurðardrottninga áhugamál hérna. bara innipúki sem les frá sér allt vit og drekkur frá sér alla rænu reglulega. síðan var hún beðin um að lýsa því hvað fólst í síðasta starfi mínu. konan sagði að það hefði snúist um að sparka í fólk um leið og hún klappaði því á bakið. þá hlógu þau svolítið. (skildu sko alveg þennan). síðan var konan beðin um að lýsa áhugamálum sínum. og viðtalið hélt áfram og konan svaraði alltaf í fullri einlægni-og þau hlógu bara að henni.

og í lokin var svo konan spurð að því hvort að hún vildi koma með einhverja ræðu sem myndi selja hana þessu kompaníi. en konan afþakkaði. en bauðst til að syngja og dansa.

konan reiknar ekki með að fá þessa vinnu.

*mental note to self: ekki vera þú sjálf í atvinnuviðtölum*

jæja gott fólk

2005-05-04T19:37:00.000Z

svona skynsamlega eyði ég tíma mínum. og ekki orð um það meir.

hins vegar ætlast ég til að allir sem droppa hingað inn taki þetta kviss. og ég fylgist með ykkur! þurfið reyndar að gefa upp nafn og emil-en hey-ekki mikil fórn það.

Take my Quiz on QuizYourFriends.com!

þegar kona er andlaus er alltaf hægt að skella sér á kviss....

2005-05-03T19:42:00.000Z

Your Element Is Air

You dislike conflict, and you've been able to rise above the angst of the world.
And when things don't go your way, you know they'll blow over quickly.

Easygoing, you tend to find joy from the simple things in life.
You roll with the punches, and as a result, your life is light and cheerful.

You find it easy to adapt to most situations, and you're an open person.
With you, what you see is what you get... and people love that!

What's Your Element?

og svei mér þá ef að kona getur ekki séð sjálfa sig í þessum niðurstöðum kvissins. enda hárrétt þessi kviss...jájájá-alveg hárrétt!

hvar er

2005-05-03T19:23:00.000Z

músan mín? á bara engar skröksögur í dag. engin falleg mynd. engin ljót heldur. en mikið langar mig að skrifa eitthvað. það er eitthvað í brjóstinu litla sem langar út en ratar ekki upp í haus. og enn síður niður í fingur. þannig að ég bara spring. ritstíflan er einmitt þar. í einhverjum taugaendum á milli brjósts og heila. ætli það sé hættulegt? að vera með stíflu þar. fá heilablóðfall þegar hún losnar. eða hjartaáfall ef hún losnar ekki. og ef hún losnar aldrei verður kannski kona þá bara með geðbólgur í brjóstinu það sem eftir er?

2005-05-02T12:09:00.000Z

þegar konan var bara lítil stelpa þá langaði hana eiginlega aldrei að flytja að heiman eins og flest lítl börn gera. konan man eftir bróður sínaum flytja að heiman með matsboks bíla í garðakaupspoka. og hana rámar í að hafa pakkað einhverju með það í huga að flytja að heiman. en man ekki eftir að hafa farið lengra í þeim pælingum en að pakka einhverjum bráðnauðsynlegum óþarfa í tösku eða pokaskjatta.

en núna-þegar konan er þriggja barna móðir á fertugsaldri-þá líður varla sá dagur að hana langi ekki að flytja að heiman.

2005-04-30T09:05:00.000Z

Happy times

dem

2005-04-29T18:07:00.000Z

langar að jamma eitthvað. held ég sé fyllibytta. eða nei. bara bytta. eða nei. kannski bara örvæntingafull húsfrú. já-einmitt. og mig langar að fara og setjast einhverstaðar niður og tala við fullorðið fólk. og sötra með því rauðvín. *langilangilangilang*

2005-04-27T16:32:00.000Z

ahhhh. gott.

er hætt við. og það er bara fáránlegur léttir sem fylgir því. komin með nýja hugmynd. og er bara farin að fiska á nýjum miðum. cutting my losses. án þess þó að gefast upp. neineinei-þessi kona gerir það ekki. bara hætta einhverju hjakki sem er rugl. og byrja upp á nýtt. það er gott. alltaf gott að byrja upp á nýtt. hreint blað. óskrifað blað. bara gott.

best að fara bara að versla...

2005-04-26T13:25:00.000Z

Mbl.is - Fólkið: "SPORÐDREKI 23. október - 21. nóvember
Dagurinn í dag er kjörinn fyrir verslun, viðskipti eða hvers konar fjármálasýsl. Farðu varlega í spákaupmennsku, útkoman er ófyrirséð."

læri,læri, tækifæri...

2005-04-25T12:29:00.000Z

Mbl.is - Frétt - Ætlaði að skera niður kjötlæri inni á skemmtistað sniðug leið til að eignast vini...sleppa bara brennivíninu og fara beint í hátíðarhefðina.

2005-04-22T13:09:00.000Z

maðurinn segir að líf sitt sé yfirfullt af drama og spennu. að það eina sem skorti í hans líf sé grín. hann leitar glensið og gríni uppi og nýtur. snýr svo aftur í dramað og spennuna sem einkennir hversdagslífið.
en konan veit betur. þetta er allt bara grín. einn stór brandari. bíðið bara.

í lokin er punslæn.

2005-04-21T00:36:00.000Z

couse i´m stone in love with you

2005-04-21T00:19:00.000Z

og kannski geturðu sagt að ég sé bara að eyða lífinu í dagdrauma. og sennilega er það satt. en ég hef eitt mér til málbóta. it´s a crasy world. i can feel the music running through me. just go with the magic, baby.

ekki hætta að hreyfa þig. finndu það. finndu þína leið. hún er þarna. og þar finnur þú allt sem þú hefur leitað að. himnaríki í fordyri vítis. án gríns. just go with the macic. it will make you come alive. take you to places

ahhhhh

2005-04-20T10:09:00.000Z

og í litla húsinu á hinum bakkanum var soðið kjöt. mikið kjöt. holduga konan í upphlutnum sauð kjöt fyrir mennina í lífi sínu. bæði þann litla og þennan sem hún var gift. kjöt og hold og meira hold. eitthvað svo fallegt við það. bara handfylli af mjúku holdi og munnfylli af volgu kjöti. njóta.

ástarþríhyrningur

2005-04-19T23:16:00.000Z

feita konan í upphlutnum réri yfir vatnið á litla bátnum sínum til þess að ná í smávaxinn elskhuga sinn á hinn bakkann. hann var alltaf í júníformi, enda erlendur hermaður. síðan réu þau til bara á litla trébátnum hvort í sínu júníformi, litli maðurinn og stóra konan. og síðan elskaði feita konan smáa hermanninn það sem eftir var dagsins. hún bar það með sér að hún kynni að njóta lífsins. feit og sælleg. og elskaði mikið.

á meðan var eiginmaðurinn í vinnu einhverstaðar í þorpinu.

húsráð

2005-04-19T22:58:00.000Z

eftir erfiðan dag, dag þar sem lítil börn fara í skurðaðgerðir, stærri börn eru mikið lasin, miðjubörn eru athyglissvelt, konur höggva af sér fingur, menn eru þreyttir og allt er einhvern vegin öfugsnúið er tilvalið að drekka ríslíng og hlusta á lambakótilettuna. þá minnkar slátturinn í afhöggnu fingrunum og amstur dagsins verður einhvern veginn að engu. og takmarkaðir pikkhæfileikar vegna téðra afhogginna fingra verður einhvernvegin ekkert mikilvægt. og morgundagurinn og þær sorgir sem honum fylgja virðast órafjarri.

2005-04-17T12:55:00.000Z

æji. get ekki. vil ekki. fíl´etta ekki. og hvað þá? held að pollýönnuleikurinn sé bara það ömurlegasta sem konu hefur verið kennt. og það viðbjóðslega vel að það er bara ekki hætt að hætta. en kona vill núna bara hætta.

2005-04-17T00:37:00.000Z

harðsoðið, linsoðið...hverjum er ekki sama? róðurinn þyngist en árum verður engu að síður beytt. allt annað en að sigla með.

2005-04-16T22:18:00.001Z

núna er ég alveg konan sem býr í eystri endaþarmi og dreymir um að flytja til bóhemíu. nánar tiltekið suður bóhemíu. og bara fá ríkisborgararétt þar. ha. sona eins og landi minn bobby fékk ríkisborgararétt hér. mig langar að fá ríkisborgararétt þar. og verða bóhem. í bóhemíu. hætta bara að vera kúkur í endaþarmi. skítafýla sem fylgir því.

2005-04-16T11:09:00.000Z

setti sæta kaffidverginn hérna á hægri vænginn. var að vellta fyrir mér hvort það væri viðeigandi að setja hann undir vini sem blogga. hvort ég ætti að búa til nýjan vængjaflokk. "kunningjar blogga" eða "bókmenntafræðingar blogga" og komst svo að því að það væri alveg viðeigandi að setja þessu elsku undir vini sem blogga. þó að við höfum ekki sést í einhver ár. það er einu sinni þannig að kona á aldrei of mikið af vinum. og sumir eru bara vinir. eins og kaffidvergurinn.

2005-04-16T10:59:00.000Z

og sólin varpar fallegum geislum sínum á flötinn. og allt verður nýtt og betra. sindrar. syndgar.

ný byrjun

2005-04-15T13:42:00.000Z

fylgir alltaf endi. og það er gott. allir eiga skilið að endurfæðast reglulega. vera hreinir. þvo hendur sínar. og í dag er endir. og á morgun er byrjun. það er gott. alltaf gott að byrja aftur. gera betur. reyna meira.

mikilvæg spurning:

2005-04-08T19:50:00.000Z

hvernig geta 300 grömm af súkkulaði orðið að tveimur kílóum af kvennmannsholdi?

sá sem getur svarað þessu ætti skilið nóbelsverðlaun. sko friðarverðlau nóbels. eða því sem næst.

2005-04-08T19:21:00.000Z

og hvað gerir kona þá? hvað,hvað?
jújú-auðvitað bara standa bein í baki. sitja bein í baki. muna eftir beininu í nefinu. sem er svo ekki bein. en þessi kona er með stórt nef og þess vegna kannski meira til í því. jájá er það ekki bara. rétta úr sér. spenna brjóstin fram. tjalda því sem til er þó að það sé nánast ekkert. ber brjóstin upp í vindinn. bein í baki með brjóstin ber. og bein í nefinu. berjast bara í vindinum með brjósin mjólkurhvít og alveg ber.

2005-04-04T19:54:00.000Z

allt sem kona vill að leikhúsið geri. rakst á þetta hjá eðalkonunni fíu minni fender.

eftir Ariane Mnouchkine:

Hjálp!
í tilefni Alþjóðaleiklistardagsins 2005

Leikhús, komdu mér til hjálpar
Ég sef. Vektu mig
Ég er týndur í myrkrinu, leiddu mig, í það minnsta að kertaloga
Ég er löt, láttu mig skammast mín
Ég er þreyttur, reistu mig við
Mér stendur á sama, lemdu mig
Mér stendur enn á sama, hjólaðu í mig
Ég er hræddur, hughreystu mig
Ég er fáfróð, menntaðu mig
Ég er skepna, gerðu mig að manneskju
Ég er tilgerðarlegur, komdu mér til að veltast úr hlátri
Ég er kaldhæðin, sláðu mig út af laginu
Ég er heimskur, breyttu mér
Ég er illgjörn, refsaðu mér
Ég er ráðríkur og grimmur, berstu gegn mér
Ég er smámunasöm, gerðu grín að mér
Ég er ókurteis, viltu ala mig upp
Ég er mállaus, leystu mig
Mig dreymir ekki lengur, segðu mér að ég sé aumingi eða fáviti
Ég hef gleymt, helltu Minningunni yfir mig
Mér finnst ég gömul og þreytt, láttu Barndóminn vakna
Ég er þungur, gefðu mér Tónlistina
Ég er leið, náðu í Gleðina
Ég er heyrnarlaus, láttu Þjáninguna öskra í óveðrinu
Ég er stressaður, láttu Viskuna vitja mín
Ég er veik, kveiktu Vináttu
Ég er blindur, kallaðu til öll Ljósin
Ég er undirgefin Ljótleikanum, kynntu Fegurðina allsráðandi til sögunnar
Hatrið hefur náð tökum á mér, láttu alla krafta Ástarinnar tala til mín

snökt

2005-03-28T14:10:00.000Z

ég skal mála allan heiminn elsku mamma
svo alltaf skíni sól í húsið þitt
þó að dimmi að með daga kalda og skamma
dagar þínir verða ljósir allir samt

ekki gráta mamma
segð´mér hvað er að
sjálfsagt get ég málað
gleði yfir það

ennþá á ég liti til hvers sem verða má
allar heimsins stjörnur og ævintýrafjöll
óskaðu þér mamma, svo lita ég þau öll

elsku elsku litla barnið. heyrði þetta lag í útvarpinu í gær og var bara fegin að vera með sólgleraugu. hafði bara enga stjórn á tárunum.

vissi þetta svo sem...en samt...

2005-03-24T21:26:00.000Z

You Are 20% Normal

(Occasionally Normal)

You sure do march to your own beat...

But you're so weird, people wonder if it's a beat at all

You think on a totally different wavelength

And it's often a chore to get people to understand you

How Normal Are You?

ó-ég veit ekki einu sinni hvar á að byrja....

2005-03-23T23:16:00.000Z

það er nefnilega ekki eins og ég sé eitthvað á móti þessu nema síður sé. margir kostir og vissulega finnst mér rétt að rétta manninum hjálparhönd. en hann er bara ekki sá eini. svo margir sem vísað hefur verið frá. til dæmis hún barbara. eða ungu hjónin með ungbarnið. epa eiginmenn íslenskra kvenna sem vísað hefur verið úr landi. og eiginlega allir hinir. æji, finnst það skítt.

var einhver að tala um hann séra jón?

örvæntingafullar húsfrúr

2005-03-18T23:13:00.000Z

er að horfa á 7-unda þátt um húsfrúrnar örvæntingafullu. namminamm. algjörlega brilljant þættir. eins og fyrsti þátturinn angraði mig. fannst þetta algjörlega glatað. en ákvað að vera ekki fordómafull og horfa á þátt 2 með opnum huga. og opin hugur borgar sig. alveg margborgar sig. við erum að tala um það sem vinkonur lucy jordan upplifðu eftir að hún fór í sinn eilífðar bíltúr í gegnum parís. við erum að tala um beðmálspíurnar í saumaklúbbi með stepford eiginkonunum. við erum að tala um sýndarveruleika sem er svo fáránlegur að hann getur ekki annað en verið sannur. og lucy sjálf (eða mary alice) segir söguna úr gröfinni. og framliðinn og vel skapaður sögumaður er bara snild.

2005-03-15T23:01:00.000Z

af hverju elskarðu mig? spurði drengurinn. afhverjuafhverjuafhverju? er það vegna þess að ég er svo stór og sterkur? er það vegna þess að ég er svo klár og duglegur? er það vegna þess að ég er svo góður? er það vegna þess að ég er svo myndarlegur? og drengurinn vildi svar. og ekki hvaða svar sem var. bara sannleikann. því drengurinn elskaði sannleikann. og stúlkan svaraði: það er ekki vegna þeirra ágætu kosta sem þú hefur talið upp elsku vinur minn. ég elska þig vegna þess að þegar ég horfi á mig með þínum augum þá sé ég ekki kryplinginn sem ég er. heldur sterka stúlku, góða stúlku, gáfaða stúlku, glaða stúlku. þess vegna elska ég þig drengurinn minn. vegna þess að með þér get ég elskað mig.

2005-03-14T22:44:00.000Z

í svona miklu stuði var svonakona á laugardagskvöldið. enda mikil stuð kona.

atvinna óskast

2005-03-14T21:15:00.000Z

er að leita að starfi. góð laun, mikil völd, engin ábyrgð og takmörkuð viðvera skilyrði. helsti kostur minn er að vera sæt.

hefur einhver áhuga?

hver litaði á sjónvarpið?

2005-03-12T09:51:00.000Z

og það með meira en einum lit?

kannski algeng spurning á barnmörgum heimilum á laugardagsmorgnum?

guði sé lof

2005-03-11T22:51:00.000Z

að ædolinu líkur í kvöld. þá fer kona kannski aftur að geta tekið þátt í kaffihúsa samræðum. er bara búin að vera útúrkú undanfarið. veit ekkert hverjar hulda svala og hildur eru. en þær hafa verið á allra vörum undanfarið.

2005-03-09T10:50:00.000Z

sænskar pizzur sækja að mér. alls staðar. og ég finn bragið og vatnið rennur. rennur,rennur,rennur. en ég brenni mig ekki á tungunni. því þessar pizzur sækja að mér í draumi. vakandi og sofandi hugsa ég um sænska pizzu með bernaise sósu og bönunum.

það er ekki skugginn af því

2005-03-07T23:07:00.000Z

þvílíkt stöð í svíríki....ekki skugginn af því!

það er ekki skugginn af því.... -- created with PhotoSite

Svithod er saet

2005-03-03T19:52:00.000Z

og otrulega saensk. en hins vegar er einhvern vegin eins og sms bloggin min komist ekki til skila.....

en vaaa hvad allt er eitthvad ofursaenskt. husin og landslagid og snjorinn og allt. finnst eins og eg se i asrid lindgren skaldsogu. kannski soldid eins og lina. enda er eg soldil lina :)

en valdi vissi ekkert. vid bara maettum og krutid litla var a naerbrokinni. en madur kemur nu seint ad tomu kotinu hja honum. hann er bara algjor draumaprins. thad er sko heppin gaeji sem hreppir hann.

nema hvad thad stenfur til ad skoda sonderhamn a morgun mer synist a ollu ad thad taki ekki nema svona 20 min. bordeyri theirra svia....bygones

en hinn forum vid til stokkholms.

kannski sma munur a menningarmati.....en vid sem sagt aetlum ad skoda hvar anna lindt var skotin. en hey. heimskona eins og svonakona getur alveg haft gaman ad sliku.

en reyndar held eg ad medferdarofurmennid aetli okkur ollum a vog um leid og vid lendum. enda ofair afengir verid drukknir.....

thar til naest....afsakid mig a medan eg aeli!

neyðin kennir naktri konu....

2005-02-27T17:30:00.000Z

Jæja-konan fór út á lífið í gær. það í sjálfu sér er svo sem ekki merkilegt-enda djammglöð kona með eindæmum á ferðinni. það sem er hins vegar merkilegt er hvernig kjólamálum kvöldsins var háttað.

á föstudag fjárfesti konan í kjól einum ágætum. var fremur foj að máta kjól í large sem passaði-en tók því dömulega. sólahring síðar var málið að láta sjá sig í flíkinni nýju. konan búin að baða sig, raka burt óæskileg hár, greiða æskileg hár, bursta tönnina og sminnka sig óhóflega.

þá var komin tími á flíkina nýju-enda ekki nema 5 mínútur í brottför.

en þá kom í ljós að rennilásinn á kjólnum nýja var ónýtur. þá voru góð ráð dýr. hringt var í verslunina sem seldi konunni kjólin skaddaða. jújú-annað eintak var til í sömu stærð og það tekið frá í afgreiðslunni og merkt dömunni.

rokið var af stað, í engu nema kápunni til að hylja bandið í rassinum og náð í nýja eintakið af kjólnum. orðin aðeins of sein í geimið.

fyrsta stopp var hjá mági konunnar og svilkonu og í skyndi var stokkið inn á ofursmátt prívat þeirra skötuhjúa og kjólinn settur utanum kroppinn.

þá mætti halda að þessari sögu lyki hér farsællega. en, nei-ónei. hérna eru vandræðin fyrst að byrja. það ætti nú að vera nóg á eina konu lagt að þurfa að askvaða í gegnum fjölmenna verslunarmiðstöð með mikla stíðsmálningu á kápunni einni klæða. en guðirnir eru gamansamir og höfðu ekki fengið nóg á þessum tímapunkti.

eins og fram hefur komið var kjólinn merktur stafnum L-sem er eiginlega skarlatsstafur tískunnar og konan fremur miður sín yfir sig-enda hreint engin stórsmíði.

og mikið rétt. það kom í ljós að kjólinn sem upphaflega hafði verið keyptur var talsvert mikið minni en þessi sem var mættur á litla prívatið hjá mágnum og svilkonunni. þó að stærðarmerkingin hafi verið sú sama.

þessi kjóll var þannig gerður að engin leið var að nota hann svona stóran. tóku þá við miklar pælingar í hvernig þessu mátti redda og margar misjafnar aðferðir reyndar. þegar þarna er komið við sögu eru fífulindarhjónin orðin í seinna lagi og lítið gekk að fá flíkina til að passa.

mágurinn og svilkonan áttu ekki teppalím til að líma flíkina á sinn stað. allar tilraunir með nál og tvinna fóru fremur illa. eða öllu heldur fór kjólinn illa við slíkar aðstæður.

en þessi kona er ekki snillingur fyrir ekki neitt og í nauð þá er hún mikill spunameistari. ekki þýddi að fara í kápunni einni klæða í partýið og þessi nakta kona spann þá.

fékk lánaða myndarlega öryggisnælu hjá svilkonunnu (þá einu sem til var í kotinu) og að auki stóra og fyrirferðamikla blómanælu.

kjóllinn var síðan þrengdur um einhver ósköp og vansniðið sem myndaðist falið með blóminu góða.

nídless tú sei þá var konan gordjöss þetta kvöld-og mörg hrós féllu í hennar garð sem og flíkarinnar sem reddað var af stakri snilld. fífulindarhjónin skemmtu sér konunglega og dönsuðu fram undir morgun og aldrei sást í geirvörtur konunnar sem verður að teljast kostur þegar um þriggja barna móður á ferturgsaldri er að ræða.

2005-02-21T20:42:00.000Z

erfitt að vera þreytt kona. langa bara að sofa og sofa og sofa. lesa smá og sofa svo meira. en síðan er svo lítill frítími hjá svona konu og þá tímir kona ekki að eyða honum sofandi. sem gerir hana þreyttari. helvítis hringekjur alltsaman og engin leið að losna. löngu orðið óglattþ best að gubba bara. mig minnir endilega að það hafi verið voða gott. sko að gubba.

*afsakið mig á meðan ég æli*
ég ætti náttúrulega að gera þessi orð megasar að mínum. svona eins og kató og karþagó. eða swassenegger og æll bí bakk. jamm-best að gera það. enda allt sem ég skrifa á þessum orðum.

*afsakið mig á meðan ég æli*

2005-02-21T19:48:00.000Z

í dag er ég lúsí djordann. í hvíta úthverfinu mínu. á hvíta heimilinu mínu. í hvíta svefnherberginu mínu. í hvíta úthverfinu mínu. í hvítu borginni minni.

en kannski mun ég keyra í gegnum parís á meðan hlýr andvarinn blæs í gegnum hár mitt. kannski,kannski. enda ekki þrjátíuogsjö ennþá.

2005-02-20T14:56:00.000Z

þrír snillar

2005-02-20T14:50:00.000Z

sætustu stelpur í heimi!

2005-02-17T22:21:00.000Z

svo oft og eiginlega alltaf er einhver annar búin að orða hugsanir konunnar. og tilfinningar. en svona líður mér núna.

Ég er réttur og sléttur ræfill,
já, ræfill sem ekkert kann.
Ég hélt þó hér forðum, að guð og gæfan
myndi gera úr mér afbragðs mann.

En allt lýtur drottins lögum,
í lofti, á jörð og í sjó.
Ég eltist og snýst við minn eigin skugga
og öðlast ei stundar ró.

Sem réttur og sléttur ræfill
ég ráfa um stræti og torg
með hugann fullan af hetjudraumum,
en hjartað lamað af sorg.

Steinn Steinarr

Svona kona er svonakona

2005-02-15T23:12:00.000Z

Personality Test Center - fun quiz:

"41 TO 50 POINTS: Others see you as fresh, lively,
charming, amusing, practical, and always interesting;
someone who's constantly in the center of attention,
but sufficiently well-balanced not to let it go to their head. They also see you as kind, considerate, and understanding; someone who'll always cheer them up and help them out."

og þetta er víst notað í alvöru atvinnuviðtölum/starfsmannasamtölum.

þar hafið þið það.

hættulegar bókmenntir

2005-02-15T22:28:00.000Z

eru leiðinlegar bókmenntir. sem eru eiginlega ekki einu sinni bókmenntir. heldur bara lélegt afþreyingardrasl.

og af hverju eru þær hættulegar kunna menn að spyrja sig.

vegna þess að ekkert fælir konu frá lestri eins og léleg bók. og ég er búin að eyða annsi mörgum vinnustundum í eitthvað helvítis krapp. og langar þá varla að lesa meira. er bara óglatt af öllum óbjóðnum.
og ekki bara það heldur lenti konan í því að sofna með eina svona afspyrnu lélega bók í bólinu. og sorpið var innbundið.

hélt ég fengi glóðarauga.

eeeen verkið var svo lélegt að þrátt fyrir innbindingu tókst því ekki að skilja eftir mark á mér. hvorki líkamlega né andlega.

nídless tú sei þá er ég orðin afhuga innbundu drasli. héðan í frá verða það bara fagurbókmenntir í kiljuformi. í versta falli innbundið í silkimjúka forhúð.

BlogThis!

2005-02-14T21:35:00.000Z

BlogThis! er að reyna að læra á nýjan bráser. allt sem heitir eitthvað zilla hlýtur að vera snild. samt finn ég ekki blog this hnappinn

2005-02-09T10:50:00.000Z

rassgat i bala!

Myndina sendi svonakona

2005-02-06T01:04:00.000Z

var að horfa á þessa mynd

ágæt svo sem. endaði samt illa. var farin að vonast eftir svona voltarie pælingum. þó að candide hafi verið satíra og allt það þá fjallaði það verk um það að það er engin orsök án afleiðingar. og eins mikil hæðni og það var þá hafði kannski leibniz heimspekingurinn og samtíðingur voltaire rétt fyrir sé þegar hann hélt því fram að við lifðum í besta heimi allra heima. og það er ekkert okkar að leika guð og breyta einhverju. þá fer bara eitthvað í kúk annar staðar. sem er ekkert endilega betra.

en þetta stríðir samt algjörlega gegn þeirri einlægu trú minni að allt sem þurfi til að hið illa verði verra, versni, þrífist og allt það sé að góðir menn og góðar konur geri ekkert.

en samt fannst mér butterfly effect enda illa. voltaire var betri.

guði sé lof...finnst ekkert ömurlegra en að vera síðust úr góðu geimi....

2005-02-04T20:52:00.000Z

óvinsælasta kona sunnan bústaðarvegar

2005-01-14T11:55:00.000Z

er ég.
í morgun vakti ég eiginmanninn með afmæliskossi og gjöfum. klæddi mig svo í pæjugallann. fór í pils og læti. og ók af stað til náms og starfa. átta traffíkin var frekar þung úr kópavoginum, en samt ekkert hræðileg.

fyrr en ég sá til þess að hún versnaði til muna.

í brekkunni sem liggur upp á bústaðarveginn, af kringlumýrarbrautinni, drap bílinn á sér. einmitt á miðakgreininni. svaka stuð. og ekki vildi druslan í gang aftur. þá rámaði mig óljóst í að ég hefði síðast keypt bensín á þorláksmessu. það vill nefnilega til að ég er ákaflega ópraktísk kona. og praktískir hlutir eins og að ökutæki þurfi á eldsneyti að halda er nokkuð sem hvarflar eiginlega aldrei að mér. enda hef ég orðið oftar bensínlaus en ég get talið.
þess vegna fann ég sjalfa mig í þessari skemmtilegu stöðu. stopp á háanna tíma á einum af umferðarþyngri gatnamótum borgarinnar. og að auki í 15°halla.

samverjar eru ekki miskunsamir í morgunumferðinni. það fyrsta sem hvarflaði að mér var að skilja bílinn einfaldlega eftir í miðri brekkunni á miðakreininni. taka bara bæjarbíl og spá ekki frekar í bílnum. enda ólukkansskrapatól.

en ég lét ekki undan fyrstu hugdettu. tókst að lokum að láta bílinn renna aftur á bak út í kant-sem bílífjú mí-er ekki auðvellt á þessum stað á þessum tíma. allir garðbæingar, hafnfirðingar og kópavogsbúar voru við stuðarann á mér og sýst í stuði.

en pæjan gerði bara það sem þarf að gera í þessari stöðu. kom bílnum á kanntinn og lagði af stað í svaðilför mikla á tveimur jafnfljótum. og svaðilför var það. svona til að hressa upp á minni ykkar ágætu lesendur þá var mjög blautt í morgun. og mjögmjögmjög hált. og ég í miðri brekku. í pilsi. en sem betur fer ekki í háhæluðum skóm-sem vissulega hafði hvarflað að mér að vera í. þeinkgod.

ég nánast skreið upp í stóragerði. og ef ég var ekki á hnjánum óð ég stöðuvötn sem náðu mér í mitti. og keypti bensín á brúsa. var boðið far til baka af huggulegaum manni á huggulegum jeppa. en mamma mín kenndi mér að fara aldrei upp í bíl hjá ókunnugum, þannig að ég brosti bara mínu blíðasta, þakkaði fyrir gott boð en sagðist jafnframt vel geta bjargað mér. sem ég gat að sjálfsögðu.

en þegar þarna er komið við sögu eru hrakningum mínum ekki alveg lokið. en hinar hrakningarnar eru ekki neitt til að hafa eftir, enda lítilfjörlegar miðað við þetta. en ég komst aftur að bílnum, óslösuð, sem má teljast merkilegt miðað við færðina, kom á hann bensíninu eftir að hafa vandræðast mikið með hvernig á að opna bensínlokið. kom druslunni í gang eftir nokkrar tilraunir. og mætti svo klukkutíma of seint í skólann.

en það sorglegasta við þessa sögu er hins vegar sú staðreynd að ég mun ekkert læra af þessu. ég mun ótal sinnum verða bensínlaus í framtíðinni. sennilega ætti ópraktískt fólk ekki að vera með bílpróf.

grey jennifer-ekki lengur heppnust

2005-01-08T13:14:00.000Z

brad pitt er á lausu. og jennifer aniston er ekki lengur heppnasta kona í heimi. bara kannski sú næst heppnasta. og ég er í þriðja sæti. enda er rík, sæt og góð. og gift alveg hreint ótrúlegum manni. en núna er vinkonan bara rík og sæt. jájá mikil ósköp.

merkilegt hve öllu er misskipt

2005-01-03T14:59:00.000Z

ég var að gera upp árið 2004 í huga mér og var harla ánægð. mitt besta ár til þessa. ég á yndisleg börn, mann sem ég elska og ég veit að elskar mig, fallegt heimili, frábærar vinkonur, fór í skemmtileg frí, gekk vel í vinnu/skóla. eintóm hamingja hvert sem litið er í mínum afmarkaða heimi. en svo sá ég fréttaannála ársins. og það áttu ekki allir svona gott ár.

ég óska öllum að árið 2005 verði þeim jafn gleðilegt og árið 2004 var mér.

Guð blessi okkur öll-og gleðileg jól

2004-12-26T13:49:00.000Z

var að horfa á dickens jólaævintýrið. dickens er eiginlega sá sem bjargað hefur jólunum. oft á tíðum allavega. og draumur á jólanótt er fyrsta heimsbókmenntaverkið sem ég las. og þar kviknaði óslökkvandi þorsti í bækur og ævintýr. helst með smá hryllingsívafi.

ég var níu ára.

ég gat ekki lagt bókina frá mér. ég grét. og í hjarta mínu varð til einhver óútskýranleg ást. ég hafið fundið í fyrsta sinn til raunverulegrar samkenndar með skáldaðri persónu. og þegar slíkt gerist með hreinni ástríðu verður ekki aftur snúið.

takk fyrir það herra charles dickens.

2004-12-08T15:04:00.000Z

ó! herra darcy!

*mmmmm*

óbjóður

2004-12-07T13:10:00.000Z

pennsilín er óttalegur óbjóður. en mikilvægur samt. en svo mikill óbjóður og eitur að kona þarf að hafa sig alla við til að æla ekki. af því þessi kona er hætt að æla. hefur ekki ælt svo vikum skiptir. er ótrúlega dugleg að æla ekkert. ekki einu sinni pensilíns óbjóðnum.

rassvasa sálfræði

2004-12-05T13:19:00.000Z

eitt af hinum alkunnu kvissum. held að hið ekki svo leynilega markmið mitt í lífinu er að stunda rassvasa sálfræði og svara kvissum. og hérna er eitt kviss. gaman að þessu.

Blogthings - You Are a Visionary Soul: "

You Are a Visionary Soul

You are a curious person, always in a state of awareness.
Connected to all things spiritual, you are very connect to your soul.
You are wise and bright: able to reason and be reasonable.
Occasionally, you get quite depressed and have dark feelings.

You have great vision and can be very insightful.
In fact, you are often profound in a way that surprises yourself.
Visionary souls like you can be the best type of friend.
You are intuitive, understanding, sympathetic, and a good healer.

Souls you are most compatible with: Old Soul and Peacemaker Soul

What Kind of Soul Are You?

víðsjá og tækniundur

2004-12-03T23:34:00.000Z

uppáhaldsútvarpsþátturinn minn er víðsjá. reyndar er það þannig á barnmörgu heimili að sjaldan er hægt að hlusta á víðsjá. en núna er svo komið að hægt er að hlusta á víðsjá á netinu. og ég held að ég hætti bara að lesa. liggi bara hér og hlusti á víðsjá.
núna er ég til dæmis hérna uppí sófanum á tólfta tímanum, hljóð í húsinu að undanskilinni fallegri rödd fíumíuskíapíu sem er að fjalla um bókmenntir. nema hvað að umræddur þáttur með umræddum lestri var sent út á mánudaginn síðasta.

já og núna er verið að ræða um mýturnar og sagnfræðina-baráttuna um sannleikann. jájá mikil ósköp.

bara snilld.

og fía er líka frekar mikill snillingur-og klárasti bókmenntafræðingur sem ég þekki.

geðsjúklingarnir hafa yfirtekið hælið

2004-12-03T11:03:00.000Z

jæjajæa-það er á lífi. en rétt svo.

nema hvað-áðan fékk ég senda í pósti kínverska stjörnuspá. smá svona verkefni þar sem maður fyllir út nöfn, númer og lagatitla. og það var næstum krípi hvað þetta kom eitthvað svo nákvæmlega rétt út-nema þetta með lagatitlana.

ég verð eiginlega að deila þessu aðeins með blogginu mínu.
samkvæmt þessari spá er það að sjálfsögðu eiginmaðurinn sem ég elska mest af öllum-sem er alveg rétt. of kors.
tengdapabbi var maður sem ég ber virðingu fyrir en skil ekki alveg. það á líka alveg fullkomlega við.
tengdamamma er sú sem þekkir mig best. veit ekki alveg með það-og þó-við erum allavega mjög góðar vinkonur.
sú manneskja sem stendur hjarta mínu næst er elsta barnið mitt Agnes Engilráð-og ég verð að segja að það er eiginlega rétt (ekki það að ég geri upp á milli barnanna minna-en á milli okkar er einhver strengur)
happastjarnan mín er litli molinn minn Hrafntinna Margrét. og það er kannski alveg rétt.

en núna kemur að tvistinu-sem sagt lagatitlunum.
lagið sem lýsir eiginmanni mínum hvað best er "Heims um ból"!!!! MAÐUR LIFANDI! er ekki alveg að sjá það!
hið ódauðlega dollyparton eðallag "i will always love you" á við tengdapabba! huhh-held að það hafi ruglast á kynslóðum-á að sjálfsögðu ekki við hann heldur son hans!
síðan kemur hinn einstaki slagari "whiter shade of pale" og það lýsir hugafari mínu-ehh- veit ekki með það!

En síðan er það rúsínan í pylsuendanum! lagið sem lýsir viðhorfi mínu til lífsins best er....."the lunatics have taken over the asylum"!!!

2004-11-21T00:30:00.000Z

Myndina sendi svonakona

2004-11-21T00:28:00.000Z

Myndina sendi svonakona

besta vinkona mín...

2004-11-20T16:01:00.001Z

heldur uppá þrjátíu ára afmælið sitt í kvöld. og ég er bara voða spennt að fara og jamma aðeins með henni og hennar hyski ;)

arnari finnst svo asnalegt að flokka vini sína í einhvrja bestu vini. og ég get svo sem skilið röksemdir hans fyrir því. en ég á nokkrar rooosalega góðar vinkonur sem ég er í miklu sambandi við, kynntist þeim þegar ég gekk með hrafntinnu margréti og ég get ekki hugsað mér lífið án þeirra....og held að þeim líði eins hvað mig varðar. þannig að þær eru næstum því mínar bestu vinkonur. síðan á ég eina æsku vinkonu. við erum ekki í miklu sambandi og stundum í alls engu sambandi. en þegar við tölum saman er eins og eitthvað smelli. okkur þykir einfaldlega mikið vænt hverri um aðra þó að við séum ekki duglegar að rækta það.

síðan er það sollan mín. ef ég væri lessa væri hún konan mín. en þar sem ég get ekki hugsað mér að stunda kynlíf með einhverjum sem ekki er með tippi (og kom tú þink of it....sé bara einfaldlega ekki fyrir mér að ég geti nokkrun tíma stundað kynlíf með öðrum en mínum ektamaka-nema kannski Jon bonJovi, Colin Firth, Brad Pitt og jamm-æji okey-fullt af köllum sem ég myndi hoppa uppí til án þess að hugsa mig tvisvar um :-Þ ) en já-nóg um þennan útúrdúr. en allavega væri solla konan mín ef ég (og hún) værum lessur. við erum bara sálufélagar. og vinátta okkar nær bæði hæstu hæðum og dýpstu dölum. og við erum oft ósammála en oftar sammála. við erum ósköp ólíkar, en þó svo líkar.

og ég sem sagt ætla í kúrekapartý til hennar á eftir og síðan á ball með brimkló (sem er uppáhaldsbandið hennar-en ekki mitt-en af því ég elska hana ætla ég að dansa við bó henni til heiðurs.)

svei mér þá

2004-11-17T22:49:00.000Z

ég er farin að hafa það á tilfinningunni að netkviss séu bara alvitur. eða stundum held ég það allavega. eins og núna. auðvitað er ég karakter upp á níu af tí mögulegum. en ekki hvað?

Whats does your personality rate from 1-10? by morning_prayer
Your first full name
Your personality rates a	nine
your best quality is	you dont follow the crowd
your worst quality is	you get depressed sometimes
this is because	you were always this way

Quiz created with MemeGen!

er ég hætt

2004-11-17T20:12:00.000Z

bara alveg hætt að geta huxað upp lygasögur? engvar skröksögur sem ásækja mig og biðja um að vera skráðar í mitt horn sýndaveruleikans?
komiði litlu lygasögur. ég skal vera góð. fara mjúkum höndum, láta ykkur heyrast vel þvegnar.
leiðist að hafa engar sögur a segja. langar að segja svo margt.

jájá-enda sef ég ekki-frekar en new york

2004-11-15T22:15:00.000Z

Take the quiz: "Which American City Are You?"

New York
You're competative, you like to take it straight to the fight. You gotta have it all or die trying.

Stella í Malavi

2004-11-12T13:08:00.000Z

ég er búin að ætla að pósta þetta hérna lengi. en allaveg-þá er stella algjör ofurkona, frábær, skemmtileg, klár, góð og bloggið hennar alveg magnað. skoðið það.
stella í malavi

ég á laptop

2004-11-07T22:20:00.000Z

þess vegna er ég.

nema hvað að lappinn minn, blessaður, er farin að haga sér í meira lagi undarlega. og þar af leiðandi finnst mér ég varla vera. hvorki fugl nér fiskur. hvorki né. ekkert. nóboddý.

gott hardver er mikilvægara en flest annað þegar kemur að því að byggja upp og halda utanum sjálfið.

Bond, James Bond

2004-11-07T22:00:00.000Z

einu sinni fannst mér bondinn alveg svakalega svalur. sá allar myndirnar og hélt varla vatni.

núna skammast ég mín fyrir að hafa fundist þetta einu sinni. hann er bara vibbi. segi ég og skrifa.

2004-11-07T17:42:00.000Z

er merkilegt-en kemur ekkert á óvart

ó mæ god

2004-11-02T20:39:00.000Z

það var verið að kvarta undan okkur. OKKUR! fyrirmyndarfjölskyldunni sjálfri. við erum ekki svona fólk sem kvartað er undan. óneiónei. enda frábært fólk og fyrirmynd annara í góðum siðum, almennum dygðum og góðmennsku. nema hvað. eiginmaðurinn tók að sér að þrífa sameignina í gær. og gerði það bara alveg sæmilega. en í dag þá kom nágranakona okkar að tali við hann og sagðist ekki getað tekið við sameigninni svona skítugri! dísús kræst. eðlilega varð minn maður ekki sáttur og sagði að hann vildi einfaldlega að einhver annar mæti það-ekki hún. (því okkar á milli þá teljum við hjónin að hún hafi ekki alveg öll spilin á hendi blessunin). Nema hvað það er allt að fara í bál og brand hérna í húsinu vegna þessa. óformlegir húsfundir eru haldnir á hverjum stigapalli og mikið pískrað. ég þurfti að bregða mér af bæ áðan og if looks could kill....mæ-ó-mæ. en minn maður vill ekki gefa sig-og að sjálfsögðu stend ég með honum, enda ryksugaði hann vel og skúraði ágætlega hjartans kallinn.

en ég sé það að það er betra að vera í árásarham en óviðbúin næst þegar ég þarf út.

smá misskilningur í gangi

2004-11-01T22:37:00.000Z

sko. ég á afmæli í dag. svo sem ekkert merkilegt við það. nema það er voða notalegt að eiga afmæli. fá mjúkann koss og smá knús að morgni afmælisdagsins og hamingjuóskir með að hafa lifað þetta af og allt það.

nema hvað, þegar komið var fram yfir hádegi í dag þá var mig farið að lengja eftir hamingjuóskum frá eiginmanninum. þannig að ég minnti hann á hvaða dagur væri.

þarna er hann þá, blessaður maðurinn, með þá flugu í höfðinu að ég eigi afmæli í ágúst eða eikkva. hélt sem sagt að ég væri ljón en ekki sporðdreki. þannig að sennilega er þetta hjónaband byggt á misskilningi.